لقاء محمد القاق قبل قليل عبر أذاعه صوت الغد و توضيح لقصه خيانته لليان

لقاء محمد القاق قبل قليل عبر أذاعه صوت الغد و توضيح لقصه خيانته لليان

قبل قليل كان في لقاء مع محمد القاق عبر أذاعه صوت الغد و تكلموا بقصه خيانته لليان

وحكى أنو الموضوع كله كذب في كذب وأنا ما بلوم ليان ع رده فعلها لأنه مهما كان اللي

حكالها الكلام امها و هاي أم طبيعي راح يتصدق كلامها و صار في أتصال مع نتالي البنت

اللي ذكر أنها من كان معها القاق و اهم ما جاء في اتصالها :

1) أنها مخرجه و كان في اتفاق مع القاق من قبل الأكاديميه على الشغل على فيديو كليب

ولكن بسبب ظروف قبوله بستار أكاديمي تأجل كل شي .

2) أنها مخطوبه و قبل ما تروح عند القاق اتصلت ع خطيبها و خبرته انها رايحه لعند الفنان محمد

القاق بدهم يشتغلوا ع الفيديو كليب .

3) كانوا 6 أشخاص نتالي و قاق و 4 مخرجين و كان في أحمد مرعي صديق قاق و أحمد

حسين من فانز ليان و كان فيه مشاكل بينه و بين ليان و قاق و هو من أخبر أم ليان أن

قاق عم بيخون ليان .

4) ذكرت نتالي أنها ستتقدم برفع دعوى على أم ليان للتشهير بها و المساس بسمعتها الا

اذا ظهرت أم ليان على الهواء و اعتذرت منها و من القاق

و تم أخذ اتصال مع أحمد حسين وهو الشخص اللي خبر أم ليان أن قاق بيخونها و يطلق

على نفسه لقب حمودي و بصراحه كان كثير ناعم و هو يتكلم فكرته بنت و اهم ما جاء

في اتصاله :

1) كان كثير خايف و متوتر لدرجه انه رفض يذكر اسمه في البدايه

2) مره كان يقول انو كان لحاله و كان عنده مفتاح للغرفه و قاق ما كان عارف و دخل و شافه

ولما طلب المذيع منه دليل توتر و قال ما بدي أحكي خلاص و مره يحكي كان فيه 5 شهود

كان كثير بيخبص بالحكي وما عنده كلمه ثابته وما في دليل ع اي شي قاله

3) مره كان يقول أنو سجلت صوت بس و مره كان يقول صورت فيديو فرد عليه قاق ما فهمنا

هلاء أنت مسجل ريكورد او مصور فيديو لم يستطع الرد على قاق و كان كتير مهزوز .

4) كان يردد عندي دليل ولما كان المذيع يطلب منه الدليل كان يتهرب من الجواب .

أخر شي وجه محمد القاق رساله لم ليان فحواها :

أنتي بتعرفي قديش أنا بحبك و قديش بحب بنتك و مستحيل اعمل شي يضرها والله

وقسم بالله ما صار شي من هيك ابدا و كله كذب الموضوع بس الله كبير و أنا لما شفت

ليان بهالحاله انجنيت ما عرفت شو عمل و كلامها كتير قطع قلبي لما حكت من أول يوم

طلع خاني فيه الله لا يوفقه وكل ما أسمع هالكلام بصير ببكي وبالعكس أنا مع ليان مش

ضدها بالاول اتفقنا انو اللي يطلع التاني ينسحب معه بس رجعت فكرت فيها ولما رجعت

الأكاديميه أضب أواعيي حكيت ليان و قلت لها خليكي بالاكاديميه و بدك تكملي و ترفعي

راسي و راس اهلك و راس فلسطين .

ملاحظه : كان القاق يتكلم بحرقه قلب و بقهر لأنه مظلوم بهالموضوع كله .

بالاخير قبل ما يختم المذيع الحلقه قال ام ليان انتي هلاء عم تسمعينا اذا انتي مستعده

تستقبلينا أنا و محمد القاق عندك بالبيت ياريت تبعتي مسج الي انتي بتعرفي رقمي لانو

في كتير امور محمد حابب يوضحها الك ..

ملاحظه : محمد عم يعمل المستحيل ليوصل لليان انو كل هالموضوع كذب و انو ما خانها ولا

فكر يخونها للحظه و هوي من اول ما وصل الخبر لليان و شافها بهالحاله كلم الاكاديميه و طلب

منهم يوصلوا لليان انو ما في شي من هاد الكلام و انو كله كذب بس الاكاديميه ما وصلت الحكي

حسبي الله ونعم الوكيل هلا شو الحل حتى لو كتبنالها اس ام اس او فيسبوك ما راح يطلعوها وتقراها ليان بما انو رولا ونادين ما بدهم يوصل اي شي لليان اذن لازم حد من بنات الكواليس عاملات الاظافر او المكياج يوضحولها شو صار بس الظاهر رولا كمان دست بنت منهم يخبرو ليان انو القاق لسه ما عندو علم شو هالحقارة رولا ونادين ما صدقو يخلصو من القاق عشان تخلى الساحة لرافع المتصنع انشالله ما يفوز ولا يوصل للاخر وبسببو يخرج ناس ثانيين احسن منو مليون بالمية